春天佇陀位
詞/曲：黃靜雅/謝欣芷
​
春天佇陀位 我去問花蕊
花蕊講伊才睏醒 叫我去問露水
春天佇陀位 我去問露水
露水講伊咧曝日 叫我問白翎鷥
春天佇陀位 我問白翎鷥
白翎鷥講水牛咧等伊 叫我去問貓咪
春天佇陀位 我去問貓咪
貓咪一直哈唏 續咧擱洗臉 叫我去問阿弟
春天佇陀位 我去問阿弟
​阿弟目睭笑微微 原來春天佇遮覕
【註譯】
◎佇陀位：在哪裡       ◎睏：睡
◎曝日：曬太陽          ◎白翎鷥：白鷺鷥
◎哈唏：打哈欠          ◎擱：又
◎目睭：眼睛             ◎佇遮覕：躲在這裡

---

緊來阮兜覕
詞/曲：黃靜雅/謝欣芷
​
風啊風，一直吹，雨啊雨，一直落，
樹仔花蕊澹漉漉，狗仔貓咪走無路；
緊來阮兜覕，才袂予雨沃甲冷吱吱，
緊來阮兜覕，才袂感冒發燒流鼻水。

---

​大近視
詞/曲：黃靜雅/謝欣芷

​大近視 看尪仔冊   
行路撞著一咧老阿伯   
真失禮 哎唷 真歹勢    我真正毋是故意个
大近視 看尪仔冊   
愈看愈入迷   
無小心撞著電火柱    摔一咧紅龜粿